MENENE KASUWANCI A KASUWAR FOREX?
Forex, ko kuma FX, yana nufin cinikin kuɗaɗen ƙasashe daban-daban a kasuwar canjin kuɗi ta duniya. Wannan ciniki ne da ake yi na musanya kuɗi daga na ƙasa ɗaya zuwa na wata ƙasa.
MENENE KASUWAR FOREX?
Kasuwar Forex ita ce babbar kasuwar hada-hadar kuɗi a duniya. A kullum ana canja tiriliyan-tiriliyan na daloli a cikinta. Kasuwa ce da ke buɗe awanni 24 a rana, kwana biyar a mako, don musanya kuɗaɗen duniya saboda dalilai daban-daban kamar: ciniki, tafiye-tafiye, yawon shakatawa, da sauran harkokin kasuwanci.
YAUSHE KASUWAR FOREX KE BUƊE?
Kasuwar Forex tana buɗe ne daga Lahadi da ƙarfe 5:00 na yamma EST / 10:00 na dare GMT zuwa Juma'a da ƙarfe 5:00 na yamma EST / 10:00 na dare GMT. Tana rufe ne a lokutan karshen mako.
MENENE ZAMANIN KASUWAR FOREX?
An raba lokutan kasuwar Forex zuwa manyan zamanai guda huɗu (4), waɗanda su ne: zamanin New York, zamanin London, zamanin Tokyo (ko kuma zamanin Asiya), da kuma zamanin Sydney.
ME KE TAFIYAR DA KASUWAR FOREX?
Abubuwan da ke motsa kasuwar Forex sun haɗa da:
Fitowar muhimman labarai na tattalin arziƙi.
Sanarwar canjin kuɗin ruwa daga manyan bankunan duniya.
Fargaba ko haɗama da ke shiga cikin masu ciniki a kasuwa.
Don samun ƙarin bayani da kuma sanin yadda kasuwar Forex ke tafiya, ana iya ziyartar
SHIN KASUWAR FOREX NA IYA FAƊUWA?
A'a, kasuwar Forex gabaɗaya ba ta faɗuwa kamar yadda wasu kasuwanni, misali kasuwar hannayen jari, za su iya faɗuwa. Wannan ya faru ne saboda Forex ciniki ne na musanya kuɗaɗe biyu a lokaci guda. Idan darajar kuɗi ɗaya ta ragu, to darajar ɗayan za ta ƙaru. A misali, idan darajar Yuro (EUR) ta ragu a kan Dalar Amurka (USD), hakan yana nufin darajar USD ta ƙaru a kan EUR. Don haka, ba wai kuɗin ya faɗi ba ne gabaɗaya, sai dai darajarsa ce ta ragu a kan wani kuɗin.
MENENE MANYAYEN KUƊAƊE GOMA SHA BIYU NA DUNIYA?
Manyan kuɗaɗe guda takwas (8) na duniya sune:
Dalar Amurka (USD)
Fam na Burtaniya (GBP)
Yuro (EUR)
Yen na Japan (JPY)
Franc na Switzerland (CHF)
Dalar Kanada (CAD)
Dalar Australiya (AUD)
Dalar New Zealand (NZD)
MENENE MANYAYEN NAU'O'IN KUƊAƊEN WAJE (MAJOR CURRENCY PAIRS)?
Waɗannan sune manyan kuɗaɗen da aka haɗa da Dalar Amurka (USD). Sune:
EUR/USD
GBP/USD
USD/CAD
USD/JPY
USD/CHF
AUD/USD
NZD/USD
MENENE KANANAN NAU'O'IN KUƊAƊEN WAJE (MINOR CURRENCY PAIRS)?
Waɗannan sune manyan kuɗaɗe da aka haɗa su ba tare da Dalar Amurka (USD) ba. Ana kiran su cross pairs. Misalan su sun haɗa da:
EUR/CAD
GBP/JPY
AUD/NZD
CHF/JPY
ME YA SA KASUWAR FOREX YA FI KASUWAR HANNUN JARI?
Wasu fa'idodin ciniki a kasuwar Forex akan kasuwar hannun jari sun haɗa da:
Lower barrier to entry (yana da sauƙin farawa).
Lower transaction costs (ƙananan kuɗin hada-hada).
Longer hours of operation (tana aiki na dogon lokaci).
Higher leverage (yana da damar yin amfani da babban jarin aro).
Higher liquidity and higher volume (yana da wadatattun kuɗi da kuma babban jari).
TA YAYA ZAN INGANTATTA DABARUN CINIKI?
Dole ne ka fara gwada nau'o'in dabaru da salon ciniki daban-daban don gano wanda ya fi dacewa da kai da kuma wanda kake gani ya fi aiki. Ya kamata ka yi gwaji akai-akai har sai ka sami wanda ke ba ka nasara. Kada ka yi ciniki ba tare da ilimi ba, saboda kowane mutum yana da salon cinikinsa daban.
TA YA ZA NI YI GWADA DABARUN CINIKI NA?
Zaka iya yin gwaji ta hanyar buɗe demo account (asusun gwaji) don gwada dabarun kasuwancinka da ka koya. Hakan zai ba ka damar ganin irin nasarar da zaka iya samu ta amfani da waccan dabarar. Haka kuma, zaka iya gwadawa ta hanyar duba farashin da ya gabata don tantance adadin cinikin da ka yi nasara ko asara.
MENENE 'PIP'?
'Pip' yana nufin Point in Percentage. Shi ne mafi ƙaramin canjin farashi tsakanin kuɗaɗe biyu. A al'adance, yana wakiltar canjin lamba ɗaya a wajen huɗu a cikin farashin Forex (ban da kuɗaɗen da ke da JPY). Misali, idan farashin EUR/USD ya canja daga 1.1402 zuwa 1.1403, wannan yana nufin canjin pip ɗaya ne. Idan farashin USD/JPY ya canja daga 113.31 zuwa 113.30, wannan ma pip ɗaya ne. Don fahimtar darajar pip, dole ne a fara fahimtar menene 'Lots'.
MENENE LOTS / LOT SIZE?
Lots na nufin takamaiman girman jari da ake amfani da shi a cikin cinikin kuɗaɗe. Akwai nau'o'i uku (3) na lots:
Micro Lot size = 0.01 = Yana sarrafa kuɗi 1,000.
Mini lot size = 0.10 = Yana sarrafa kuɗi 10,000.
Standard Lot size = 1.00 = Yana sarrafa kuɗi 100,000.
MENENE DARAJAR PIP?
Idan asusunka yana cikin Dalar Amurka (USD) kuma kana ciniki da manyan kuɗaɗe, darajar pip za ta kasance kamar haka:
Cinikin pip 1 tare da 0.01 (Micro Lot) yayi daidai da $0.10 USD.
Cinikin pip 1 tare da 0.10 (Mini Lot) yayi daidai da $1.00 USD.
Cinikin pip 1 tare da 1.00 (Standard Lot) yayi daidai da $10.00 USD.
MENENE FITILUN JAPAN (JAPANESE CANDLESTICKS)?
Fitilun Japan hanya ce ta nuna canjin farashi a cikin kasuwar Forex. Kowace fitila tana nuna wani takamaiman lokaci, misali, idan kana kan jadawalin minti 15 (M15), kowace fitila tana wakiltar minti 15. Idan kana kan jadawalin yau da kullum (D1), kowace fitila tana wakiltar awanni 24.
MENENE 'WICK'?
Wick (ko inuwa), layi ne a tsaye da ke sama da ƙasan jikin fitilar.
WANE BAYANI NE FITILUN KE BA KA?
Fitila tana ba da bayanai guda huɗu:
Farashin buɗewa (inda ciniki ya fara).
Farashin rufewa (inda ciniki ya ƙare).
Mafi ƙarancin farashi (mafi ƙarancin farashin da aka kai a wannan lokacin).
Mafi girman farashi (mafi girman farashin da aka kai a wannan lokacin).
MENENE MA'ANAR 'BULLISH'?
Bullish wani yanayi ne da ke nuna cewa farashin kasuwa yana hauhawa sama. Misali, idan farashin USD ya canja daga Naira 500 zuwa Naira 700, wannan hauhawar farashin ana kiranta da Bullish.
MENENE MA'ANAR 'BEARISH'?
Bearish alama ce da ke nuna akasin Bullish, wato farashin kasuwa yana saukowa ƙasa. Misali, idan farashi ya sauko daga Naira 100 zuwa Naira 50, wannan faduwar farashin ana kiranta da Bearish.
MENENE METATRADER 4 & 5 (MT4/5)?
Metatrader 4 ko 5 wata manhaja ce da ake amfani da ita wajen ciniki a kasuwar Forex, wato siye da siyarwa. Ana samun wannan manhajar a wayoyin hannu da kuma kwamfutoci.
MENENE 'LIMIT ORDER'?
Limit Order wata hanya ce ta siye ko siyar da ciniki a farashin da ka saita a gaba. Misali, idan kana son siyan USD a farashin Naira 500 amma farashin yana kan Naira 650, zaka iya saita Limit Order don ta siyo maka da zarar farashin ya sauko zuwa Naira 500, ko da kana bacci ne. Haka ma idan kana son siyarwa.
MENENE EBB DA FLOW?
Ebb da Flow na nufin wani abu da ke ƙaruwa da raguwa, ko hauhawa da faɗuwa, kamar igiyar ruwa. Suna nuna yadda kasuwanni ke amsa abubuwan da ke faruwa a kullum.
MENENE FIBONACCI?
Fibonacci kayan aiki ne da ake amfani da shi don auna farashin kasuwa tsakanin maki biyu. Yana taimaka wa masu ciniki su gano inda farashi zai iya komawa.
MENENE FIBONACCI RETRACEMENT?
Fibonacci Retracement yana nufin auna canjin farashi a matsayin kashi na jimillar canjin farashin. Yan kasuwa sukan nemi farashi ya dawo matakan 50%, 61.8%, da 78.6%. A cikin yan kasuwar Smart Money, ana son kallon 70.5% a matsayin wurin da ya fi dacewa don shiga ciniki.
MENENE FRACTALS?
Fractals wani tsari ne na maimaita yanayin farashin da ke faruwa a cikin kasuwa. Wannan yana nufin cewa akwai alamu masu maimaitawa a cikin farashi. Wannan shi ne dalilin da ya sa ilimi ya zama wajibi don fahimtar waɗannan hawa da sauka a kasuwannin duniya.
MENENE KASUWANCI IRIN NA SWING?
Kasuwancin Swing yana buƙatar haƙuri, saboda yan kasuwar Swing suna riƙe ciniki na kwanaki ko ma na makonni. Haka kuma, suna buƙatar amfani da stop loss (hanzarin asara) mai girma domin cinikin ya sami damar da zai yi numfashi. Yan kasuwar Swing suna da ƙarfin hali don jurewa lokacin da ciniki ya koma baya.
MENENE KASUWANCI INTRADAY?
Kasuwanci Intraday salo ne na ciniki da ake yi kuma a rufe a rana ɗaya. Wasu suna kiransa da 'Ranar Kasuwanci'. Irin waɗannan yan kasuwa suna neman alamu da ke faruwa a kullum. Ba sa riƙe ciniki na dogon lokaci saboda ba sa jin daɗin hakan.
MENENE SCALPING?
Scalping wani nau'i ne na ciniki inda masu ciniki ke shiga da fita daga kasuwa da sauri. Ana kiran su scalpers. Wannan salo ya fi dacewa ga mutanen da ke iya yanke shawara cikin sauri kuma su yi aiki ba tare da jinkiri ba. Waɗannan yan kasuwa ba sa riƙe ciniki na dogon lokaci, sai dai suna sa ran cinikinsu ya zama mai riba nan take.
MENENE SAKAMAKON BADA ALBASHI (NFP)?
NFP na nufin Non-Farm Payrolls. Yana da muhimmin labari na tattalin arziƙin Amurka wanda ke wakiltar adadin sabbin ayyukan da aka samu ko aka rasa. Ana sanar da shi a duk ranar Juma'a ta farko ta kowane wata da ƙarfe 8:30 AM EST. Sanarwar NFP tana kawo babban canji a kasuwa.
MENENE FOMC?
FOMC na nufin Federal Open Market Committee. Kwamiti ne da ke haɗuwa sau takwas (8) a kowace shekara don tattaunawa game da yanayin kuɗi da kuma yanke shawara kan hanyoyin sarrafa jari. Idan FOMC suka yanke shawarar ƙara yawan kuɗin ruwa, hakan zai iya ƙara darajar Dalar Amurka (USD), don haka masu ciniki za su iya yin hasashe a kan hauhawar farashin USD.
MENENE TECHNICAL ANALYSIS?
Technical Analysis na nufin nazarin tarihi na farashin ciniki don gano alamu a kasuwa da kuma tantance yanayin farashin nan gaba. Ana iya yin wannan ta amfani da alamomi da kayan aiki daban-daban. Masu nazari a kan Technical Analysis sukan nemi Support (mafaka) da Resistance (juriya), kuma su gano yadda yanayin kasuwa ke gudana.
MENENE FUNDAMENTAL ANALYSIS?
Fundamental Analysis na nufin nazarin abubuwan da suka shafi tattalin arziki, siyasa da zamantakewa, da kuma tasirin da suke da shi a kan darajar kuɗin ƙasa. Abubuwa mafi mahimmanci da ake kallo sun haɗa da: yadda kuɗaɗe da kayayyaki ke gudana, rikice-rikicen siyasa, canjin kuɗin ruwa, da kuma labaran da manyan bankunan suka fitar.
MENENE TRADING PSYCHOLOGY?
Trading Psychology na nufin nazari da horar da tunanin mai ciniki, da kuma yadda yake aiki yayin ciniki. Yana bayyana halaye na ɗan Adam, saboda ciniki yana buƙatar tunani na musamman don samun nasara.
MENENE RISK MANAGEMENT?
Risk Management na nufin sarrafa haɗari a kan asusun ciniki. Dokar da aka fi sani ita ce kada ka taɓa fuskantar haɗari fiye da 2% a kowane ciniki. Wato, kada ka taɓa saka jari fiye da 2% na jarin ka a ciniki guda.
MENENE TRADE MANAGEMENT?
Trade Management na nufin sarrafa cinikin da ka riga ka buɗe. Wannan ya haɗa da rage haɗari yayin da cinikin ka ke cikin riba, ta hanyar matsar da stop loss don kare ribar da ka samu. Yana taimaka maka ka gudanar da ciniki cikin natsuwa.
MENENE FOREX SIGNALS?
Forex Signals ra'ayoyin ciniki ne da aka tsara, waɗanda ke nuna maka wurin shiga, wurin fitarwa da riba (TP), da kuma wurin da za a tsayar da asara (SL). Ana ba da waɗannan al'amuran don taimaka wa masu ciniki su yanke shawara. Yana da mahimmanci a tuna cewa waɗannan ra'ayoyi ne na ilimantarwa kawai, kuma ba umarni ba ne.
MENENE TP DA SL?
TP na nufin Take Profit (karɓar riba). Shi ne farashin da ka saita domin cinikin ya rufe da zarar ya kai wannan matakin kuma ya karɓa maka ribar ka.
SL na nufin Stop Loss (tsayar da asara). Shi ne farashin da ka saita don rufe cinikin ka idan ya fara asara, don iyakance asarar ka.
SHIN ZAN IYA AMFANI DA DUK WANI DILLALIN FOREX DON KASUWANCI?
I, zaka iya amfani da duk wani dillalin Forex da ka zaɓa, muddin yana da kayan aikin da kake son ciniki da kuma irin leverage (karin jari) da kake so. Muna mai da hankali ne a kan manya da ƙananan nau'o'in kuɗaɗe, waɗanda yawanci kowane dillali ke da su.
WANE DILLALI ZAN YI AMFANI DA SHI?
Dole ne ka yi bincike da kanka don neman amintaccen dillali da ke aiki a ƙasarka kuma ya dace da buƙatunka.
NAWA ZAN YI CINIKI DA SHI?
Kullum muna ba da shawarar cewa masu ciniki su fara da jarin da za su iya rasa ba tare da sun damu ba. Idan kai sabon mai farawa ne, yana da kyau ka fara da asusun gwaji (demo account) har sai ka sami ƙwarewa. Kada ka sa jari na gaske har sai ka tabbatar da cewa ka fahimci ciniki sosai.
ME YA SA ZAN YI ASUSUN GWAGWAJI (DEMO ACCOUNT)?
Yin ciniki da kuɗin gaske ba tare da kwarewa ba kamar caca ne a gidan caca. Yin amfani da demo account yana ba ka damar gwada dabarunka da jin daɗi da yanayin ciniki ba tare da ka rasa kuɗin ka na gaske ba.
NAWA ZAN YI RISK TO REWARD A CINIKI?
Dokar da aka fi sani ita ce 1-2% a kowane ciniki. Idan kai sabon farawa ne, yana da kyau ka tsaya a kan 1% kawai. Hakan zai taimaka wajen gina tarbiyya da hana haɗama. Idan ka fara da mummunan ɗabi'a, zai yi wahala ka bar su.
